Աջակցություն կառավարությանը գետերի ինքնամաքրման կարողության գնահատման մեթոդի մշակման գործում

Փետրվարի 15-ին ԳԱՏՕ ծրագրի գրասենյակում տեղի ունեցավ գետերի ինքնամաքրման կարողության գնահատման մեթոդի մշակման աշխատանքային խնբի անդամների առաջին հանդիպումը։ Մեթոդի մշակման աշխատանքները համակարգվում են ԳԱՏՕ ծրագրի կողմից կառավարությանը տրամադրվող տեխնիկական օժանդակության շրջանակներում։ Աշխատանքային խմբում ներառված են ոլորտի նեղ մասնագետներ, ինչպես նաև կառավարության ներկայացուցիչներ։

Մեթոդի մշակման նպատակով որպես որպես մոդելային գետավազան ընտրվել է Քասախ գետը։ Գետերի ինքամաքրման կարողության գնահատման մեթոդում հաշվի են առնվելու տվյալ ոլորտում առկա միջազգային փորձը, գետերի հիդրոլոգիական, կենսաբանական, ջրի որակի և մորֆոլոգիական և այլ առանձնահատկությունները։ Նախնական հաշվետվությունը կներկայացվի կառավարությանը 2020 թ․-ին։

IFB # 010219-01 Նախամրցութային պարզաբանումներ

ԳԱՏՕ ծրագրի կողմից հայտարարված IFB # 010219-01 « Ինժեներական նախագծի պատրաստում Հովտաշատ գյուղի ոռոգման համակարգի բարելավման ծրագրի շրջանակում » մրցույթի շրջանակներում ս․թ․ փետրվարի 8-ին անցկացված նախամրցութային հանդիպման պարզաբանումները կից փաստաթղթում՝

Հայտ ներկայացնելու հրավեր (ՀՆՀ)` Ինժեներական նախագծի պատրաստում Հովտաշատ գյուղի ոռոգման համակարգի բարելավման ծրագրի շրջանակում

ՀՆՀ # 010219-01

ԳԱՏՕ ծրագրի իրականացնող ME&A, Inc. ընկերությունը հրավիրում է ներկայացնելու հայտեր Արարատի մարզի Հովտաշատ գյուղի ոռոգման համակարգի բարելավման ծրագրի շրջանակում ինժեներական նախագծի, ծավալաթերթի և ծախսերի նախահաշվի պատրաստման համար:

Հայտերի ներկայացման ուղեցույցը և ընթացակարգը կից փաստաթղթում՝

Հայտերը պետք է ներկայացվեն մինչև 2019թ.-ի փետրվարի 15-ը՝ Երևանի ժամանակով ժամը 17:00: Հայտատուները պետք է իրենց Տեխնիկական առաջարկի և Գնառաջարկի տպագիր տարբերակը մեկ օրինակից հայերեն լեզվով ներկայացնեն ԳԱՏՕ ծրագրի գրասենյակ՝ ք. Երևան, Տերյան 105/1, Ցիտադել բիզնես կենտրոն, 204 սենյակ հասցեով:

Ջրային ոլորտի մասնագետների կարողությունների զարգացման դասընթաց

Հունվարի 14-25-ը ԳԱՏՕ ծրագիրն անցկացրեց երկշաբաթյա վերապատրաստման դասընթաց Հայաստանի գետերի էլոլոգիական հոսքի հաշվարկման նոր մեթոդի վերաբերյալ։ Վերջինս մշակվել էր 2015թ․-ին ԱՄՆ ՄԶԳ «Մաքուր էներգիա և ջուր» ծրագրի շրջանակում և ընդունվել ՀՀ կառավարության կողմից 2018թ․-ի հունվարին։

Զգալով լրացուցիչ վերապատրաստման անհրաժեշտությունը՝
ՀՀ բնապահպանության նախարարության աշխատակազմի Ջրային ռեսուրսների կառավարման գործակալությունը խնդրեց ԱՄՆ ՄԶԳ-ին, որ ԳԱՏՕ ծրագրի փորձագետները, որոնք մշակել էին մեթոդը, խորացված վերապատրաստում անցկացնեն նախարարության մասնագետների համար, որոնք օգտագործում են էկոլոգիական հոսքի արժեքների հաշվարկը ջրօգտագործման թույլտվությունների տրման և վերահսկման ընթացքում։ 

Դասընթացը, որ բաղկացած էր տեսական և գործնական մասերից, օգտակար ուսումնական վարժանք էր մասնակիցների համար, որոնց շարքում կային
ՀՀ բնապահպանության նախարարության, ՀՀ գյուղատնտեսության նախարարության, ՀՀ կառավարությանը ենթակա Բնապահպանության և ընդերքի տեսչական մարմնի տարբեր բաժինների մասնագետներ։ Դասընթացն սկսեց տվյալների կառավարման, Աշխարհագրատեղեկատվական համակարգի (ԱՏՀ) և հիդրոլոգիայի հիմնադրույթներից, և աստիճանաբար անցում կատարվեց Հայաստանի Հանրապետության ուսումնասիրված և չուսումնասիրված գետերի էկոլոգիական հոսքի ամսական և տարեկան արժեքների հաշվարկման մեթոդին՝ ըստ Արփա գետի օրինակի։ Մասնակիցներին տրամադրվեցին էկոլոգիական հոսքի հաշվարկման համար անհրաժեշտ նյութերը՝ օգտագործողի ձեռնարկ, MS Excel ֆայլի ձևանմուշ, ինչպես նաև աշխարհագրատեղեկատվական բազա (ԱՏՀ ֆայլեր)։

Ձախից աջ՝ Գյուղատնտեսության նախարարության մասնագետ Քրիստինե Խանոյանը և ԳԱՏՕ ծրագրի ղեկավար Մագդա Ավետիսյանը

Դասընթացի ավարտին մասնակիցներն իրենց գոհունակությունը հայտնեցին ԳԱՏՕ ծրագրին նման խորացված և ինտերակտիվ դասընթացի կազմակերպման համար, որն իրենց տվեց նոր աշխատանքային գործիքներ ու հմտություններ։ Վկայականները շնորհելիս ՀՀ գյուղատնտեսության նախարարության ներկայացուցիչ Քրիստինե Խանոյանն ասաց․ «Օգտվելով հնարավորությունից՝ ցանկանում եմ շնորհակալություն հայտնել վերապատրաստողներին, որոնք վարպետորեն մատուցեցին նյութը և համբերատար պատասխանեցին մեր բոլոր հարցերին։ Ոգևորված եմ ստացածս նոր գիտելիքներով և կիրառելու եմ այն իմ աշխատանքում»։  

Խմելու ջրի երկու ծրագիր Արմավիրի մարզում

Դեկտեմբերի 21-ին ԳԱՏՕ ծրագրի և Արմպլաստ ընկերության միջև ստորագրվեց ենթակապալի պայմանագիր՝ Արմավիրի մարզի Առատաշեն և Եղեգնուտ համայնքներում խմելու ջրի ծրագրերի աշխատանքների իրականացման համար։ Նախագծերն իրականացվում են ԱՄՆ ՄԶԳ-ի ԳԱՏՕ և Ջրային ռեսուրսների մասնակցային և արդյունավետ օգտագործում ծրագրերի համատեղ ուժերով։

ԱՄՆ ՄԶԳ փոխնախագահն այցելեց Սայաթ-Նովա համայնք

Ձախից աջ՝ Սայաթ-նովայի գյուղապետ Ռազմիկ Ալավերդյանը, ԱՄՆ ՄԶԳ փոխնախագահ Բրոք Բիրմանը և ծրագրի շահառու՝ ֆերմեր Արմեն Ղարիբյանը վերջինիս պատկանող հողատարածքում։

Դեկտեմբերի 19-ին ԱՄՆ ՄԶԳ-ի փոխնախագահ Բրոք Բիրմանը շրջայց կատարեց Արարատի մարզի Սայաթ-Նովա համայնքում, որտեղ նրան ներկայացվեց ԱՄՆ ՄԶԳ-ի և գործընկերների կողմից 2018 թ․ սեպտեմբերին իրականացված ոռոգման ծրագրի արդյունքները։ Համայնքի ոռոգումն իրականացվում է համայնքի հարևանությամբ գտնվող Մասիս Ձուկ ձկնաբուծարանի հետադարձ ջրերի երկորդային օգտագործմամբ։

Պարոն Բիրմանը համայնքի ղեկավարի և ֆերմերների հետ քննարկեց նոր ոռոգման համակարգի առավելությունները և դրական հեռանկարները համայնքի բնակիչների սոցիալական վիճակի բարելավման առումով։ Ներկայումս 98 տնային տնտեսություն կօգտվի շուրջ 15 տարի անմշակ մնացած իրենց հողատարածքները ոռոգելու հնարավորությունից: Որոշ ֆերմերներ արդեն տնկել են ձմեռային ցորենը, իսկ ապագայում պլանավորում են աճեցնել բարձրարժեք մշակաբույսեր, որոնք ավելի եկամտաբեր են։  

IFB # 131118-02՝ Նախամրցութային հանդիպման պարզաբանումներ

ԳԱՏՕ ծրագրի կողմից ս.թ. նոյեմբերի 13-ին հայտարարված IFB # 131118-02  «Շինարարություն և նյութերի մատակարարում Եղեգնուտ գյուղի  ջրամատակարարման համակարգի բարելավման ծրագրի շրջանակներում» հայտի նախամրցութային հանդիպման պարզաբանումները սույն հղումով. Questions_Yeghegnut_tender

 

 

Հայտ ներկայացնելու հրավեր (ՀՆՀ) Շինարարություն և նյութերի մատակարարում Եղեգնուտ գյուղի ջրամատակարարման համակարգի բարելավման ծրագրի շրջանակներում

ՀՆՀ-ի համարը՝ IFB # 131118-02

ԱՄՆ ՄԶԳ-ի հայաստանյան առաքելության «Գիտական առաջադեմ տեխնոլոգիաների օգտագործում և համագործակցություն հանուն ռեսուրսների համալիր պահպանության» (ԳԱՏՕ) ծրագիրը հրավիրում է ներկայացնելու հայտեր Արմավիրի մարզի Եղեգնուտ գյուղի ջրամատակարարման համակարգի վերակառուցման, ներառյալ՝ պահանջվող բոլոր խողովակ­ների, պոմպերի, նյութերի, սարքավորումների մատակարարման և տեղակայման համար:

ՀՆՀ-ի ամբողջական տարբերակը, ջրային համակարգի նախագծային գծագրերն ու ծավալաթերթը սույն հղմամբ՝

IFB_Yeghegnut_construction_arm

Design_Yeghegnut

Tsavalatert_Yeghegnut

Հայտերը պետք է ներկայացվեն մինչև 2018թ.-ի նոյեմբերի 27-ը՝ Երևանի ժամանակով  ժամը 17:00: 2018թ.-ի նոյեմբերի 20-ին՝ ժամը 15:00-ին, ԳԱՏՕ ծրագրի գրասենյակում տեղի կունենա հետաքրքրված հայտատուների հետ նախամրցութային հանդիպում՝ հայտատուների հար­ցերին պատասխանելու և հայտի վերաբերյալ պարզաբանումներ տալու համար:

 

Հայտ ներկայացնելու հրավեր (ՀՆՀ)` Շինարարություն և նյութերի մատակարարում Առատաշեն գյուղի ջրամատակարարման համակարգի բարելավման ծրագրի շրջանակներում

ՀՆՀ-ի համարը՝ IFB # 131118-01  

ԱՄՆ ՄԶԳ-ի հայաստանյան առաքելության «Գիտական առաջադեմ տեխնոլոգիաների օգտագործում և համագործակցություն հանուն ռեսուրսների համալիր պահպանության» (ԳԱՏՕ) ծրագիրը հրավիրում է ներկայացնելու հայտեր Արմավիրի մարզի Առատաշեն գյուղի ջրամատակարարման համակարգի վերակառուցման, ներառյալ՝ պահանջվող բոլոր խողովակ­ների, պոմպերի, նյութերի, սարքավորումների մատակարարման և տեղակայման համար:

ՀՆՀ-ի ամբողջական տարբերակը, ջրային համակարգի նախագծային գծագրերն ու ծավալաթերթը սույն հղմամբ՝

IFB_Aratashen_construction_arm

Design_Aratashen

Tsavalatert_Aratashen

Հայտերը պետք է ներկայացվեն մինչև 2018թ.-ի նոյեմբերի 27-ը՝ Երևանի ժամանակով  ժամը 17:00: 2018թ.-ի նոյեմբերի 20-ին՝ ժամը 15:00-ին, ԳԱՏՕ ծրագրի գրասենյակում տեղի կունենա հետաքրքրված հայտատուների հետ նախամրցութային հանդիպում՝ հայտատուների հար­ցերին պատասխանելու և հայտի վերաբերյալ պարզաբանումներ տալու համար:

 

ՈՌՈԳՄԱՆ ՆՈՐ ՀԱՄԱԿԱՐԳ ՍԱՅԱԹ-ՆՈՎԱ ՀԱՄԱՅՆՔՈՒՄ

Հոկտեմբերի 22-ին Սայաթ-Նովա գյուղում նշվեց ԱՄՆ Միջազգային զարգացման գործակալության (ԱՄՆ ՄԶԳ), Հայ օգնության ֆոնդի (ՀՕՖ), Փոքր և միջին ձեռնարկատիրության զարգացման ազգային կենտրոնի (ՓՄՁ ԶԱԿ) համատեղ ուժերով իրականացված ոռոգման համակարգի բարելավման ծրագրի ավարտը: Սայաթ-Նովա համայնքի բնակիչների հետ միասին, ծրագրի ավարտին նվիրված միջոցառմանը մասնակցեցին ԱՄՆ ՄԶԳ-ի հայաստանյան առաքելության տնօրեն Դեբորա Գրիզերը, Արարատի մարզպետ Գարիկ Սարգսյանը և այլ հյուրեր:

ԱՄՆ ՄԶԳ-ի ուսումնասիրությունները վկայում են, որ Արարատյան դաշտի ստորերկրյա ջրերի մակարդակի նվազումը վտանգում է երկրի համար ռազմավարական նշանակություն ունեցող ստորերկրյա ջրային ռեսուրսը: Արարատյան դաշտի ստորերկրյա ջրերի գերօգտագործման հետևանքով տարածաշրջանի ավելի քան 30 համայնքներ մնացել են առանց խմելու և ոռոգման ջրի: Ոռոգման ջրի պակասը բացասաբար է ազդում ինչպես  ֆերմերային տնտեսությունների, այնպես էլ գյուղական համայնքների սոցիալ-տնտեսական վիճակի վրա՝ մեծացնելով բնակչության արտահոսքը գյուղերից:

2017 թ. դեկտեմբերին ԱՄՆ ՄԶԳ «Գիտական առաջադեմ տեխնոլոգիաների օգտագործում և համագործակցություն հանուն ռեսուրսների համալիր պահպանության» (ԳԱՏՕ) ծրագրի, ՀՕՖ-ի և ԱՄՆ ՄԶԳ ֆինանսավորմամբ ՓՄՁ ԶԱԿ-ի կողմից իրականացվող «Գործընկերություն` հանուն գյուղական համայնքների բարգավաճման» ծրագրի և Սայաթ Նովա համայնքի միջև ստորագրվեց համագործակցության պայմանագիր համայնքում ոռոգման համակարգի բարելավման ծրագրի իրականացման նպատակով:

Համայնքային հողատարածքների 60 հեկտարի ոռոգումն իրականացվելու է Մասիս-Ձուկ ձկնաբուծարանի հետադարձ ջրերով, որոնք նախկինում թափվում էին դրենաժային համակարգ: Նոր համակարգի շնորհիվ ոռոգումը կլինի ավելի մատչելի, իսկ ստորերկրյա ջրերի օգտագործումն ավելի արդյունավետ: Համայնքի և ձկնաբուծարանի միջև համագործակցության արդյունքում կառուցվել է նոր պոմպակայան ձկնային տնտեսության տարածքում, տեղադրվել է ոռոգման նոր համակարգ ավելի դիմացկուն պոլիէթիլենային խողովակներով: Ջրի որակի ստուգումները ցույց են տվել, որ ձկնաբուծարանի հետադարձ ջրերը կարող են օգտագործվել մշակաբույսերի աճեցման համար: «Ագրոբիզնեսի և գյուղի զարգացման կենտրոն» (CARD) հիմնադրամի հետ համատեղ ԱՄՆ ՄԶԳ-ն իրականացրել է հողատերերի ուսուցում կայուն գյուղատնտեսության վարման թեմայով:

ԱՄՆ ՄԶԳ հայաստանյան առաքելության տնօրեն Դեբորա Գրիզերն իր ողջույնի խոսքում նշեց. «Ջրի սակավությունը բացասական ազդեցություն ունի տարածաշրջանի գյուղատնտեսական ոլորտի վրա: Համայնքի բնակիչները կարող են հպարտանալ նրանով, որ Սայաթ-Նովան առաջիններից մեկն է կիրառել ձկնաբուծարանի հետադարձ ջրերը ոռոգման նպատակով օգտագործելու առաջադեմ պրակտիկան: Ծրագրի շնորհիվ ձկնաբուծարանի կողմից արտեզյան ջրերի օգտագործումը կլինի ավելի արդյունավետ, իսկ համայնքը ոռոգման համար լրացուցիչ ջրառ իրականացնելու կարիք այլևս չի ունենա: Ծրագիրը կկանխի հողերի դեգրադացիան և կնպաստի էլեկտրաէներգիայի խնայողությանը»:

Պոմպակայանի բացումից հետո ԱՄՆ ՄԶԳ հայաստանյան գրասենյակի տնօրեն Դեբորա Գրիզերը և Արարատի մարզպետ Գարիկ Սարգսյանը հյուրերի հետ միասին շրջայց կատարեցին դաշտերով՝ տեսնելու ոռոգման նոր համակարգը և հանդիպելու հողատերերին:

Ներկա պահին 252 մարդ 98 տնային տնտեսություններից կօգտվի շուրջ 15 տարի անմշակ մնացած իրենց հողատարածքները ոռոգելու հնարավորությունից: Ամբողջ հզորությամբ գործածելու դեպքում համակարգը հնարավորություն է տալիս ոռոգել մինչ 190 հեկտար հողատարածք՝ ի շահ համայնքի 2400 բնակիչների:

Հայանիստից հետո Սայաթ-Նովան երկրորդ համայնքն է, որտեղ ԱՄՆ ՄԶԳ-ն իր գործընկերների հետ համատեղ իրականացրել է այլընտրանքային, բնապահպանական տեսանկյունից անվտանգ ծրագիր՝ տրամադրելով լուծումներ ոռոգման նպատակով ձկնաբուծարանի հետադարձ ջրերի երկրորդային օգտագործման համար: Նմանատիպ ծրագրեր կարող են արդյունավետ կերպով իրականացվել նաև մարզի մյուս համայնքներում՝ որոշ չափով լուծելով Արարատյան դաշտի ոռոգման ջրի սակավության խնդիրը:

« 1 of 2 »